Неделя 7-я по Пасхе, святых отцов I Вселенского Собора (325).
Сщмч. Моки́я (ок. 295). Равноапп. Мефодия (885) и Кирилла (869), учи́телей Словенских. Равноап. Ростислава, князя Великомора́вского (870).
Прп. Софрония, затворника Печерского, в Дальних пещерах (XIII). Сщмч. Иосифа, митр. Астраханского (1671). Собор святых Астраханской митрополии*. Свт. Никодима, архиеп. Сербского (1325).
Сщмч. Александра, архиеп. Харьковского (1940).
Челнской и Псково-Печерской, именуемой «Умиление», икон Божией Матери (переходящие празднования в Неделю 7-ю по Пасхе).
Утр. – Ев. 10-е, Ин., 66 зач., XXI, 1–14. Лит. – Деян., 44 зач., XX, 16–18, 28–36. Ин., 56 зач., XVII, 1–13. Равноапп.: Евр., 318 зач., VII, 26 – VIII, 2. Мф., 11 зач., V, 14–19.
День тезоименитства Святейшего Патриарха Московского и всея Руси Кирилла.
На утрене катавасия «Божественным покрове́н…». Поем «Честнейшую».
* Список Собора святых Астраханской митрополии утвержден решением Священного Синода 15 мая 2025 года.
Тропарь воскресный, глас 6:
А́нгельския Си́лы на гро́бе Твое́м,/ и стрегу́щии омертве́ша,/ и стоя́ше Мари́я во гро́бе,/ и́щущи Пречи́стаго Те́ла Твоего́./ Плени́л еси́ ад, не искуси́вся от него́;/ сре́тил еси́ де́ву, да́руяй живо́т.// Воскресы́й из ме́ртвых, Го́споди, сла́ва Тебе́.
Тропарь Вознесения, глас 4:
Возне́слся еси́ во сла́ве, Христе́ Бо́же наш,/ ра́дость сотвори́вый ученико́м,/ обетова́нием Свята́го Ду́ха,/ извеще́нным им бы́вшим благослове́нием,// я́ко Ты еси́ Сын Бо́жий, Изба́витель ми́ра.
Кондак Вознесения, глас 6:
Е́же о нас испо́лнив смотре́ние,/ и я́же на земли́ соедини́в Небе́сным,/ возне́слся еси́ во сла́ве, Христе́ Бо́же наш,/ ника́коже отлуча́яся,/ но пребыва́я неотсту́пный,/ и вопия́ лю́бящим Тя:// Аз есмь с ва́ми, и никто́же на вы.
Тропарь отцов, глас 8:
Препросла́влен еси́, Христе́ Бо́же наш,/ свети́ла на земли́ отцы́ на́ша основа́вый/ и те́ми ко и́стинней ве́ре вся ны наста́вивый,// Многоблагоутро́бне, сла́ва Тебе́.
Кондак отцов, глас 8:
Апо́стол пропове́дание и оте́ц догма́ты/ Це́ркви еди́ну ве́ру запечатле́ша,/ я́же и ри́зу нося́щи и́стины, истка́ну от е́же свы́ше богосло́вия,// исправля́ет и сла́вит благоче́стия вели́кое та́инство.
Тропарь равноапостольных Мефодия и Кирилла, глас 4:
Я́ко апо́столом единонра́внии и слове́нских стран учи́телие,/ Кири́лле и Мефо́дие богому́дрии,/ Влады́ку всех моли́те,/ вся язы́ки слове́нския утверди́ти в Правосла́вии и единомы́слии,// умири́ти мир и спасти́ ду́ши на́ша.
Кондак равноапостольных Мефодия и Кирилла, глас 3:
Свяще́нную дво́ицу просвети́телей на́ших почти́м,/ Боже́ственных писа́ний преложе́нием исто́чник богопозна́ния нам источи́вших,/ из него́же да́же додне́сь неоску́дно почерпа́юще,/ ублажа́ем вас, Кири́лле и Мефо́дие,/ Престо́лу Вы́шняго предстоя́щих// и те́пле моля́щихся о душа́х на́ших.
Величание равноапостольных Мефодия и Кирилла:
Велича́ем вас,/ святи́и равноапо́стольнии Мефо́дие и Кири́лле,/ вся слове́нския страны́ уче́ньми свои́ми просвети́вшия// и ко Христу́ приве́дшия.